Search

[ព័ត៌មាន] Apple ដាក់បញ្ចេញ ប្រព័ន្ធ iOS កំណែទំរង់ 11.0.3 ដើម្បីកែបញ្ហា សម្លេង នៅលើ iPhone 7 និង អេក្រង់គាំង នៅលើ iPhone 6

ក្រុមហ៊ុន Apple ថ្ងៃនេះ បានដាក់បញ្ចេញ ប្រព័ន្ធប្រតិបត្តិការណ៍ iOS 11.0.3 ថ្មី ដើម្បីកែបញ្ហាមួយចំនួន នៅលើ iPhone 6 និង 7។ នៅលើ iPhone 7/7 Plus កំណែទំរង់ថ្មីនេះ នឹងដោះស្រាយ បញ្ហាដែល សម្លេង និងរំញ័រ នៅពេលប៉ះប្រើ មិនដំណើរការ។
Apple iOS 11.0.3 for iPhone and iPad

ដោយឡែក នៅលើ iPhone 6/6 Plus វិញ កំណែទំរង់ថ្មីនេះ នឹងដោះស្រាយ ការប៉ះប្រើលើអេក្រង់ មិនដំណើរការ ដោយសារតែ ការប្រើប្រាស់ អេក្រង់ ដែលជា អេក្រង់មិនផ្លូវការរបស់ Apple (អេក្រង់របស់ក្រុមហ៊ុនផ្សេង)។

បើតាម Apple បានឱ្យដឹងថា អ្នកប្រើប្រាស់ iPhone 6/6 Plus ដែលបានដោះដូរប្រើ អេក្រង់មិនផ្លូវការរបស់ Apple អាចនឹងជួបបញ្ហា គុណភាពរូបភាព នៅលើអេក្រង់ មិនច្បាស់ល្អ ហើយជួនកាល ការប៉ះប្រើ អាចនឹងមានបញ្ហាទៀតផង នៅលើ iOS 11។

លោកអ្នក អាចដំឡើងទៅកំណែទំរង់ថ្មីនេះ តាម 2 របៀបគឺ៖
របៀបទី ១ (ដំឡើងដោយផ្ទាល់នៅលើទូរស័ព្ទ)៖ ចូលទៅកាន់ Settings- General- Software Update រួចចុច Download and Install (ត្រូវភ្ជាប់អីុនធើណែតតាម WiFi)។

របៀបទី ២ (ដំឡើងតាម iTunes នៅលើកុំព្យូទ័រ)៖ សូមធ្វើការដោនឡូដ ឯកសារដំឡើង Firmware ពីលីងខាងក្រោម ទៅតាមប្រភេទ ឧបករណ៍របស់លោកអ្នក រួច ភ្ជាប់ iPhone ទៅកាន់កុំព្យូទ័រ ហើយបើកកម្មវិធី iTunes (លោកអ្នក ត្រូវមានអីុនធើណែត)។ បន្ទាប់មកនៅ ផ្ទាំងខាងស្តាំ សូមចុច ឃី SHIFT សំរាប់ប្រព័ន្ធ Windows ឬ alt option សំរាប់ ប្រព័ន្ធ Mac OSX អោយជាប់ រួចសឹុមចុច ប៊ូតុង Restore។ រំកិល ទៅកាន់ ទីតាំង ដែលបាន រក្សា ឯកសារ ដំឡើង Firmware ហើយចុចរើសយក ឯកសារដំឡើងនោះ រួចសឹុមចុច ប៊ូតុង Open ដើម្បីចាប់ផ្តើមដំឡើង។

ឯកសារដំឡើង Firmware:
iPhone 8
iPhone 8 Plus
iPhone 7
iPhone 7 Plus
iPhone SE, iPhone 5s
iPhone 6s, iPhone 6
iPhone 6s Plus, iPhone 6 Plus
iPad Pro (10.5-inch), iPad Pro (12.9-inch) (2nd generation)
iPad (9.7-inch)
iPad mini 4, iPad Air 2, iPad mini 3
iPad Pro (9.7‑inch)
iPad Pro (12.9‑inch)
iPad Air, iPad mini 2
iPod touch (6th generation)

ប្រភព: Apple




Loading...

ចូលរួមមតិតាមរយៈ Facebook