Search

[ព័ត៌មាន] លេចចេញសម្បកក្រោយ iPhone 7: មិនមានរន្ធមូលដោតកាស 3.5 ម.ម តែមាន ប្រហោងឧបាល័រ 2 ជួរ

រូបភាពថ្មីមួយ ដែលគេអះអាងថា គឺជា សម្បកក្រោយ iPhone 7 ត្រូវបានបង្ហោះកាលពីពេលថ្មីៗនេះ​ ដោយវិុបសាយ nowhereelse.fr។ រូបភាព បានបង្ហាញយ៉ាងច្បាស់ថា សម្បកខាងក្រោយរបស់វា មិនមានរន្ធមូលដោតកាស 3.5 ម.ម នោះទេ ហើយត្រង់កន្លែងដោតកាសនេះ ត្រូវបាន ជំនួសដោយ ប្រហោងរន្ធឧបាល័រ មួយជួរទៀត ដូចនេះ រន្ធឧបាល័ររបស់ iPhone 7 នឹងមាន 2 ជួរ ដើម្បីទ្រទ្រង់សម្លេង ស្តេរីអូ។

iPhone 7 audio jack

nowhereelse.fr បានបន្តទៀតថា គេសង្កេតឃើញ ប្រហោងដាក់កាម៉េរា មានទំហំធំជាងមុន… ដែលត្រូវនឹងដំណឹងលេចលឺកន្លងមក ដែលថា Apple នឹងបង្កើនសមត្ថភាពថតរូប នៅលើ iPhone 7។ ចំណែក វ័នអង់តែនមួយខ្សែ ដែលរត់កាត់ផ្នែកខាងក្រោយ និងនៅខាងក្រោមកាម៉េរា មិនឃើញមានទៀតទេ ប៉ុន្តែ វ័នដែលនៅគែម ផ្នែកខាងលើតួ គឺនៅមានដដែល។

iPhone 7 Back Shell

គួររំលឹកថា ក្រុមហ៊ុន Apple ត្រូវបានគេរំពឹងថា នឹងប្រកាសពី iPhone ម៉ូដែលថ្មី នាខែ កញ្ញា ចុងឆ្នាំ 2016 នេះ ហើយបើតាម ដំណឹងដែលលេចលឺ កាលពីពេលថ្មីនេះៗ iPhone ម៉ូដែលក្រោយនេះ នឹងមាន 3 ប្រភេទគឺ: iPhone 7, 7 Plus និង 7 Pro៕
ប្រភព: nowhereelse.fr




Loading...

ចូលរួមមតិតាមរយៈ Facebook