ក្រុមការងារ ioskhmer យើង បានដាក់បញ្ចេញ ឃីប៊តខ្មែរ សំរាប់ អ្នកប្រើប្រាស់ ប្រព័ន្ធ iOS 8 ឬខ្ពស់ជាង ហើយ។ ឃីប៊តថ្មី KdarChuch នេះ គឺជា ប្រភេទ Extension Keyboard ហើយ អ្នកប្រើប្រាស់ ប្រព័ន្ធ iOS 8 ឬខ្ពស់ជាងនេះ អាចដោនឡូដ ដំឡើង ដោយ មិនចាំបាច់ Jailbreak ម៉ាសីុន នោះទេ។ វា អាចប្រើបាន ជាមួយគ្រប់កម្មវិធីទាំងអស់ ហើយដំណើរការ ដូច ឃីប៊តរបស់ប្រព័ន្ធ ដែរ។ កម្មវិធី KdarChuch នេះ មានឃីប៊ត ចំនួនពីរក្នុងនោះ គឺ NORMAL ឃីប៊ត ដែលមានរូបរាង ដូចឃីប៊តដើមរបស់ប្រព័ន្ធ និង MATERIAL ឃីប៊តរចនាម៉ូដលំនាំ Material របស់ Google។
តំរូវការជាមូលដ្ឋាន:
– កម្មវិធី KdarChuch ដោនឡូដបានពី App Store: http://bit.ly/KdarChuch
– iPhone, iPod Touch និង iPad ដែលដើរដោយប្រព័ន្ធប្រតិបត្តិការណ៍ iOS 8.0 ឬខ្ពស់ជាងនេះ
– មិនតំរូវអោយ Jailbreak នោះទេ
A. វិធីដំឡើង:
1. សូមចុចលីងនេះ: http://bit.ly/KdarChuch ពី ឧបករណ៍របស់លោកអ្នក ឬចូលទៅ App Store-> Search រួចវាយពាក្យថា KdarChuch រួចចុចប៊ូតុង Seach ដើម្បីរាវរក។ បន្ទាប់មក ចុចលើ កម្មវិធី KdarChuch រួចរើសយក GET-> INSTALL ដើម្បីដំឡើង។
2. ក្រោយដំឡើងរួច សូមបើកកម្មវិធី KdarChuch នេះ រួចរង់ចាំ អោយវា លោត រហូតដល់ក្នុងកម្មវិធី។ ការបើកនេះ គឺដើម្បីទុកពេលអោយវា ដំឡើង ឃីប៊ត Extension នោះឯង។
3. បន្ទាប់មក ចូលទៅ Settings-> General-> Keyboard-> Keyboards។
ចុច Add New Keyboard រួចចុចរើសយក KdarChuch បន្ទាប់មក ចុចបើក “Allow Full Access” ដើម្បី អោយ ពេលចុចវាយ លឺសម្លេង និងបើកលទ្ធភាព ផ្លាស់ប្តូរ ពុម្ពអក្សរ និងពណ៌ផ្ទៃខាងក្រោយ ជាដើម។
ចំណាំ: លោកអ្នក មានជំរើស អាចមិនបើក មុខងារនេះ ក៏បាន ហើយនៅតែអាច ប្រើ ឃីប៊ត KdarChuch បានដូចធម្មតា។
4. ត្រឡប់មក ផ្ទាំង Home Screen វិញ រួចបើកកម្មវិធីកំណត់ត្រា Notes ឬ កម្មវិធីសរសេរកត់ត្រា ផ្សេងទៀត ហើយ ចុចលើ ប៊ូតុងរូបពិភពលោក នោះ អ្នកនឹងបានឃើញ ឃីប៊តខ្មែរ ទើបដំឡើងថ្មី មិនខាន៕
B. វិធីប្រើ:
វិធីផ្លាស់ប្តូរ ពុម្ពអក្សរ និងពណ៌របស់ ឃីនីមួយ:
5. ទាំងឃីប៊ត Normal និង Material សុទ្ធតែ អាចផ្លាស់ប្តូរ ពុម្ភអក្សរលើឃី។ ជាដំបូង សូមបើកកម្មវិធី KdarChuch -> ការកំណត់ទាក់ទងនឹងឃី រួចធ្វើការកំណត់ តាមការចូលចិត្ត។ ក្នុងកំណែទំរង់នេះ លោកអ្នក អាចផ្លាស់ប្តូរ ពុម្ពអក្សរបានតែ 2 គឺ រវាង Khmer Sangam (ពុម្ពអក្សរដើមរបស់ប្រព័ន្ធ) និងពុម្ពអក្សរ Nokora របស់លោក ដាញ់ ហុង។ ចំណែក ពណ៌របស់ឃី អាចផ្លាស់ប្តូរ រវាង ឃីពណ៌ស និង ពណ៌ខ្មៅ។
ក្តារចុច Material: មុនដូរ និងក្រោយពេលដូរ
ក្តារចុច Normal: មុនដូរ និងក្រោយពេលដូរ
វិធីផ្លាស់ប្តូរ ពណ៌ឃី PopUp:
6. ឃី PopUp គឺជា ឃីដែលបង្ហាញខ្លួន នៅពេល យើងវាយឃីម្តងៗ។ លោកអ្នក អាចផ្លាស់ប្តូរពណ៌ឃីនេះ ដោយបើកកម្មវិធី KdarChuch -> ប្តូរពណ៌ ឃីពេលចុច (ឃី PopUp) រួចចុចលើ ពណ៌ណាមួយ ដែលកំណត់រួចស្រេច ឬវាយ បញ្ចូល ពណ៌ទៅក្នុង ប្រអប់ RGB បើសិន អ្នកចង់បាន ពណ៌ណាមួយ ដែលមិនមាន នៅក្នុង ប្រអប់ខាងក្រោម។
ក្តារចុច Material: មុនដូរពណ៌ និងក្រោយពេលដូរពណ៌ ឃី PopUp
ក្តារចុច Normal: មុនដូរពណ៌ និងក្រោយពេលដូរពណ៌ ឃី PopUp
វិធីផ្លាស់ប្តូរ ពណ៌ផ្ទៃក្រោយ ឃីប៊ត (សំរាប់ឃីប៊ត Material ប៉ុណ្ណោះ):
7. សំរាប់ ឃីប៊ត Material លោកអ្នក អាចផ្លាស់ប្តូរ ពណ៌ផ្ទៃខាងក្រោយ ឃីប៊ត ដោយបើកកម្មវិធី KdarChuch-> ប្តូរពណ៌ផ្ទៃក្រោយ រួចចុចលើ ពណ៌ណាមួយ ដែលកំណត់រួចស្រេច ឬវាយ បញ្ចូល ពណ៌ទៅក្នុង ប្រអប់ RGB បើសិន អ្នកចង់បាន ពណ៌ណាមួយ ដែលមិនមាន នៅក្នុង ប្រអប់ខាងក្រោម។
ក្តារចុច Material: មុនដូរពណ៌ផ្ទៃក្រោយ និងក្រោយពេលដូរពណ៌ផ្ទៃក្រោយ
វិធីបញ្ជារដោយកាយវិការ (សំរាប់ឃីប៊ត Material ប៉ុណ្ណោះ):
8. សំរាប់ ឃីប៊ត Material លោកអ្នក អាចបញ្ជារដោយកាយវិការ ដោយគ្រាន់តែ អូសម្រាមដៃ លើឃីប៊ត ទៅទិសណាមួយនៃទិសទាំង 4:
– អូសម្រាមដៃ ទៅលើ ស្មើនឹង ការចុចប៊ូតុង SHIFT
– អូសម្រាមដៃ ទៅឆ្វេង ស្មើនឹង ការចុចប៊ូតុង ALT ខាងឆ្វេង
– អូសម្រាមដៃ ទៅស្តាំ ស្មើនឹង ការចុចប៊ូតុង ALT ខាងស្តាំ
– នៅពេល ស្ថិតក្នុង SHIFT ឬ ALT អូសម្រាមដៃ ចុះក្រោម ស្មើនឹងការចុច UN-SHIFT ឬ UN-ALT
របៀបបង្កើតពណ៌ដោយខ្លួនឯង (សំរាប់ឃីប៊ត Material ប៉ុណ្ណោះ):
9. សំរាប់ អ្នករចនាក្រាហ្វិក ប្រាកដជាយល់ពី ពណ៌ RGB (Red, Green, Blue) ហើយដើម្បីបង្កើតពណ៌ណាមួយ គេគ្រាន់តែ កំណត់លេខ (0-255) ទៅ R, G និង B ប៉ុណ្ណោះ។ សំរាប់ អ្នកដែលមិនសូវយល់ពី វិធីបង្កើតពណ៌នេះ យើងសូមណែនាំ វិធីស្រួលៗ ទៅយក ពណ៌ RGB នេះ។
ជាដំបូង សូមចូលទៅកាន់ វិុបសាយ http://www.flatuicolorpicker.com រួចរកមើលពណ៌ណា ដែលចូលចិត្ត។ ឧ. ពណ៌ក្រហមក្រមៅ OLD BRICK 96281B 150, 40, 27 ដែល 96281B ជា លេខ Hex Color Code ចំណែក លេខ 3 ខ្ទង់ខាងក្រោយ គឺ កូដពណ៌ RGB ដោយ R= 150, G=40 និងB =27។ សូមកត់ចំណាំ លេខកូដ RGB នេះ។
បន្ទាប់មក បើក កម្មវិធី KdarChuch-> ប្តូរពណ៌ផ្ទៃក្រោយ (ឃីប៊ត Material) ហើយក្នុងប្រអប់ R សូមវាយលេខ 150, ប្រអប់ G សូមវាយលេខ 40 និងចុងក្រោយ ប្រអប់ B សូមវាយលេខ 27 រួចចុចលើ អេក្រង់ ត្រង់កន្លែងណាក៏បាន ក្រៅពីប្រអប់ ដើម្បីរក្សា។
បើសិន លោកអ្នក ជួបបញ្ហា នៃការប្រើឃីប៊តនេះ ឬមានសំណូមពរអ្វីបន្ថែម លោកអ្នក អាចទំនាក់ទំនងនៅលើ ទំព័រ Facebook យើង Facebook.com/ioskhmer ឬ អីុម៉ែលមកកាន់: info@ioskhmer.com៕
