Search

[ព័ត៌មាន] តោះមើល ក្រុមការងារ iFixit ដោះរុះ iPod Touch 6G ថ្មី!

ការដោះរុះរើ iPod Touch 6G
ក្រុមការងារ iFixit ដែលជំនាញខាង ដោះរុះរើ ផលិតផល Apple កាលពីពេលថ្មីៗនេះ បានដោះរុះរើ ម៉ាសីុនចាក់ចំរៀង iPod Touch 6G ដែល Apple ទើបតែ បញ្ចេញលក់ កាលពីពេលថ្មីៗនេះ។ បើមើលតាម លក្ខណៈសម្បត្តិ iPod Touch 6G មានគុណសម្បត្តិ ស្រដៀងនឹង iPhone 6 ដែរ ហើយនេះ គឺជា អ្វីដែល ក្រុម iFixit បានរកឃើញ៖

ការដោះរុះរើ iPod Touch 6Gការដោះរុះរើ iPod Touch 6G

– ម៉ាសីុនថ្មីនេះ ប្រើថ្មធំជាង ម៉ូដែល iPod Touch 5G មុន 13 mAh គឺ 1040 mAh ប្រើភ្លើង 3.83V/3.99Wh
– បើទោះជាមាន កាម៉េរា 8MP ដូច iPhone 6 ដែរ ប៉ុន្តែ សមត្ថភាពមួយចំនួន ត្រូវបាន គេកាត់បន្ថយ ដូចជា មិនមាន កញ្ចក់ត្បូងកណ្តៀង ការពារកែវម៉ាសីុនថត, មិនមាន មុខងារការពារការញ័រពេលថតរូប ហើយចំណែកទំហំ Aperture ក៏តូចជាងដែរ គឺ f/2.4 ខណៈដែល Aperture របស់ iPhone 6 មានទំហំ f/2.2
– បន្ទៈឈីប Apple A8 APL1011 Soc អង្គគណនា 2 គ្រាប់ ដូច iPhone 6 ដែរ ប៉ុន្តែ ល្បឿនរបស់វា ត្រូវបាន កំហិតអោយរត់ត្រឹម 1.1GHz ប៉ុណ្ណោះ ខណៈដែល អង្គគណនា របស់ iPhone 6 រត់ក្នុងល្បឿនពេញ 1.4GHz ក្នុងមួយគ្រាប់
– អង្គចងចាំ 1GB ប្រភេទ LPDDR3 របស់ SK Hynix

ក្រុមការងារ iFixit បានផ្តល់ពិន្ទុដល់ iPod Touch 6G ថ្មីនេះ សំរាប់ ភាពងាយស្រួលក្នុងការជួសជុស តែ 4/10 ប៉ុណ្ណោះ ដោយ ពិន្ទុ 10 ពេញ គឺសំដៅលើ ភាពងាយស្រួល ជួសជុលបំផុត។ ការដាក់ពិន្ទុអោយទាបនេះ ដោយសារ
– ការគាស់សម្បក និងផ្លាស់ប្តូរគ្រឿងបន្លាស់ គឺលំបាកណាស់៖
– សម្បកវាខាងក្រៅ មិនមាន ខ្ចៅសំរាប់មួលដោះនោះទេ គឺគេប្រើ ការកិប និងបិទកាវ
– គ្រឿងបន្លាស់ជាច្រើន ត្រូវបាន គេផ្សារភ្ជាប់គ្នា… បើផ្នែកណាមួយខូច អាចនឹងចំណាយថ្លៃច្រើន ដើម្បីផ្លាស់ប្តូរ ឬត្រូវផ្លាស់ប្តូរ ផ្នែកទាំងមូលតែម្តង
ប្រភព: iFixit




Loading...

ចូលរួមមតិតាមរយៈ Facebook