[ព័ត៌មាន] ផ្ទាំង iPhone យក្ស ត្រូវបាន គេដាក់តាំងនៅ រុស្សី ដើម្បីរំលឹកដល់ Steve Jobs

ផ្ទាំងអេក្រង់អេឡិចត្រូនិក Touch Screen ដែលមានរូបរាងដូច iPhone 5 ត្រូវបាន គេ ដាក់តាំងបង្ហាញ កាលពីពេលថ្មីៗនេះ នៅ សកលវិទ្យាល័យ ស្រាវជ្រាវ St. Petersburg របស់ ប្រទេស រុស្សី ដើម្បីរំលឹកដល់ អតីតនាយកប្រតិបត្តិ Apple លោក Steve Jobs។ អេក្រង់មួយនេះ មានទំហំបិុន ជំហរមនុស្សធំ ហើយធ្វើការបង្ហាញនូវស្លាយ ជាមួយនឹង រូបភាព និងវីដេអូ ទាក់ទងនឹង ជីវិតរបស់ Steve Jobs ព្រមទាំង ពាក្យពេច ដែលគាត់ ធ្លាប់បាន និយាយកន្លងមក។

អេក្រង់នេះ គឺជាគំរោងមួយ របស់មូលនិធិ Progress IT Fund ដែលបាន បង្កើតនូវការប្រកួតប្រជែង កាលពីឆ្នាំទៅមិញ ដើម្បីរក អ្នករចនាម៉ូដ ផ្ទាំងរំលឹកនេះ ហើយអ្នកដែលឈ្នះ គឺបានទៅលើ លោក Gleb Tarasov ដែលជា អ្នកស្រុក St. Petersburg។ Gleb បាន សាងសង់ ផ្ទាំងរំលឹកខាងលើនេះ ដោយអោយឈ្មោះវាថា “Sunny QR Code” ព្រោះនៅផ្នែកខាងក្រោយរបស់ អេក្រង់នេះ មានកូដ QR ដែលអាចអោយ អ្នកទស្សនា ប្រើ ស្មាតហ្វូនរបស់ពួកគេ ស្កែនលើកូដ ដើម្បីបើក វិុបសាយ: www.apple.com/stevejobs រំលឹកដល់ Steve Jobs បាន៕
ប្រភព: en.rian.ru

• Tweet
• Pin It