[លឺគេថា] Apple កំពុងចរចារទិញក្រុមហ៊ុនផែនទី Waze

ក្រោយបង្ខំអោយ Google បញ្ចេញកម្មវិធីផែនទីថ្មី Google Maps ជាមួយនឹងមុខងារនាំផ្លូវ មក ជំហានបន្ទាប់របស់ Apple គឺការធ្វើកំណែទំរង់លើ ទិន្នន័យផែនទី Apple Maps របស់ខ្លួន។ ដូចនេះ វានឹងមិនគួរអោយ ភ្ញាក់ផ្អើល នោះទេ បើសិនជា មានដំណឹងលេចលឺ អំពី ការទិញយក ក្រុមហ៊ុនផលិតផែនទីផ្សេងទៀត ដោយ Apple។ ធ្លាប់មានដំណឹងលេចលឺថា Apple អាចនឹងទិញយក ក្រុមហ៊ុនផែនទី Tom Tom តែក្រោយមក បានស្ងាត់ទៅវិញ។ ឥឡូវបើតាមដំណឹងថ្មីចុងក្រោយពី TechCrunch បានអោយដឹងថា ក្រុមហ៊ុន Apple កំពុងចរចារជាមួយ ក្រុមហ៊ុនផលិតផែនទីឈ្មោះ Waze។


ប្រភពបានបន្តទៀតថា ការចរចារកំពុង ដំណើរការឈានទៅមុខ ដោយ Waze ចង់បាន $750 លានដុល្លារ តែ Apple យល់ព្រមត្រឹម $400 លានដុល្លារ បូករួមនឹង ប្រាក់លើកទឹកចិត្ត $100 លានដុល្លារប៉ុណ្ណោះ។ ដូចនេះ ការចរចារ អាចនឹង ចំណាយពេលយូរបន្តិចហើយ។ គួររំលឹកថា Waze គឺជា ដៃគូរផ្តល់ទិន្នន័យផែនទីមួយរបស់ Apple ហើយ ក្រុមហ៊ុននេះ អាចរកចំណូលបាន កាលពីឆ្នាំ 2012 តិចជាង $1 លានដុល្លារប៉ុណ្ណោះ ហើយដែលភាគច្រើន គឺបានមកពី ការផ្សាយពាណីជ្ជកម្ម៕
ប្រភព: TechCrunch

• Tweet
• Pin It