ទទួលបានកាដូគ្រិស្តមាសពី Apple ជាមួយកម្មវិធី iTunes 12 Days of Gifts

សំរាប់ជា ការអបអរសារទរ ចុងឆ្នាំចាស់ និងទទួលឆ្នាំថ្មី 2013 ខាងមុខនេះ ក្រុមហ៊ុន Apple បានបញ្ចេញ កម្មវិធី iTunes 12 Days of Gifts ដែលជា កម្មវិធី ផ្តល់នូវ បទចំរៀង, សៀវភៅ, រឿងកុន, កម្មវិធី, ហ្គេម និងអ្វីផ្សេងៗ អោយដោនឡូដ ដោយឥតគិតថ្លៃ ជារៀងរាល់ថ្ងៃ ប៉ុន្តែ ការផ្តល់ជូន សំរាប់ថ្ងៃនីមួយៗ មានសុពលភាពដោនឡូដ តែ 24 ម៉ោងប៉ុណ្ណោះ។ ដូចនេះ លោកអ្នក ត្រូវឆែកវា ជារៀងរាល់ថ្ងៃ ដើម្បីទទួលបាន កាដូ ឥតគិតថ្លៃទាំងនោះ។

តំរូវការជាមូលដ្ឋាន:
- កម្មវិធី iTunes 12 Days of Gifts ដោនឡូដ ដោយឥតគិតថ្លៃ ពី App Store ឬ iTunes
- iPhone/iPad/iPod Touch ដែលដើរដោយប្រព័ន្ធ iOS 5.0 ឡើងទៅ
- គណនី Apple ID (ចុចដើម្បីមើលវិធីបង្កើត)

វិធីអនុវត្ត

1. ជាដំបូង សូមបើកកម្មវិធី App Store រួចចូលទៅ Search វាយពាក្យ iTunes 12 Days of Gifts។ បន្ទាប់មក ចុច FREE-> INSTALL ហើយ វាយ គណនី Apple ID ចូល (ចុចដើម្បីមើលវិធីបង្កើត)។

2. បន្ទាប់មក សូមបើកកម្មវិធីនេះ រួចចុចប៊ូតុង Get Free EP នោះវា នឹងលោតកម្មវិធី iTunes ឬ App Store អោយដោនឡូដ អាស្រ័យ លើអ្វីដែលលោកអ្នក បានចុច។ បន្ទាប់មក ចុច FREE-> GET SONG នោះវា នឹងចាប់ផ្តើម ធ្វើការ ដោនឡូដ។

3. ក្រោយដោនឡូដចប់ សំរាប់ កម្មវិធី ឬហ្គេម នោះលោកអ្នក នឹងឃើញ អាយខនវា នៅលើ Home Screen ចំណែកចំរៀង ឬ វីដេអូ លោកអ្នក អាចឆែកវា នៅក្នុង កម្មវិធី Music ឬ Videos៕

• Tweet
• Pin It