[ព័ត៌មាន] ចិន ប្តេជ្ញាថា នឹងបង្ក្រាប ការចុះឈ្មោះផ្លាកសញ្ញា មិនត្រឹមត្រូវ

ការគ្រប់គ្រង ការចុះឈ្មោះ ផ្លាកសញ្ញាផលិតផល នៅប្រទេសចិន គឺកំពុងចោទជា បញ្ហា ហើយបើតាម Reuters បានអោយដឹងថា ប្រទេស មួយនេះ បានប្តេជ្ញាថា នឹងដោះស្រាយ ការចុះឈ្មោះផ្លាកសញ្ញាដែល មិនត្រឹមត្រូវ។ អាជ្ញាធរចិន បានអោយដឹងថា ពួកគេ នឹងពិនិត្យ ការចុះឈ្មោះផ្លាកសញ្ញា កន្លងមក ហើយនឹងធ្វើការ បោសសំអាត ការចុះឈ្មោះណា ដែលមានលក្ខណៈបន្លំ និងមាន គោលបំណង ដើម្បីជំរិតប្រាក់ ពីម្ចាស់ផ្លាកសញ្ញា ដែលមានឈ្មោះល្បី។

ហាងទំនិញ Apple Store និងបុគ្គល Apple ក្លែងក្លាយនៅចិន:

ជាក់ស្តែង ក្រុមហ៊ុន Apple ទើបតែជួប បញ្ហាខាងលើនេះ ជាមួយនឹង ឈ្មោះផ្លាកសញ្ញា iPad នៅចិន ហើយត្រូវបង់អោយ ក្រុមហ៊ុន Proview រហូត $60 លានដុល្លារ។ ក្រៅពី Apple ម្ចាស់ផ្លាកសញ្ញា ដទៃទៀត ក៏ជួបវាសនា ដូចគ្នានេះដែរ ដូចជា អ្នកលេងបាល់បោះ Michael Jordan ដែលកំពុងប្តឹង ក្រុមហ៊ុន ផលិតសំភារៈកីឡា ដែលហ៊ានលួចប្រើឈ្មោះគាត់ មិនត្រឹមត្រូវ ក្នុងសំភារៈកីឡារបស់ខ្លួន៕
ប្រភព: Reuters

• Tweet
• Pin It