[ព័ត៌មាន] កប៉ាល់ Venus របស់ Jobs ឥឡូវ មានសេរីភាពហើយ ក្រោយជំលោះថ្លៃឈ្នួល បានដោះស្រាយរួច

ជំលោះបញ្ហាថ្លៃទូទាត់ រវាង អ្នករចនាម៉ូដ Philippe Starck ជាមួយ គ្រួសារលោក Jobs បានរកឃើញ ដំណោះស្រាយ ជាបណ្តោះអាសន្នហើយ ហើយកប៉ាល់ Venus របស់អតីនាយកប្រតិបត្តិ Apple លោក Steve Jobs ទីបំផុត មានសេរីភាព នឹងធ្វើដំណើរលើ មហាសាគរ បានហើយ។ មេធាវី តំណាងគ្រួសារលោក Jobs បានប្រាប់ កាសែតបារាំង Le Monde ថា ដំណោះស្រាយមួយបានរកឃើញ ហើយមានការតំកល់លុយ នៅធនាគារ ដើម្បីជា ការធានាអោយ កប៉ាល់នេះ អាចធ្វើដំណើរបាន។

គួររំលឹកថា កប៉ាល់នេះ បានធ្វើរួចរាល់យូរហើយ តែមិនអាចចេញពីផែ ប្រទេសហ៊ូឡង់ ដោយសារ ភាគី ទាំងពីរ មិនចុះសំរុងគ្នា លើចំនួនទឹកប្រាក់ លើវិក័យបត្រ័ ដោយខាង អ្នករចនាម៉ូដ លោក Starck សំអាងថា គាត់ គួរទទួលបាន លុយប្រមាណ 9 លានអឺរ៉ូ ខណៈដែល គ្រួសារលោក Jobs ប្រកែកថា គាត់ គួរទទួលបានថ្លៃឈ្នួលត្រឹម 6 លានអឺរ៉ូ ប៉ុណ្ណោះ៕
ប្រភព: Le Monde

• Tweet
• Pin It