[ព័ត៌មាន] Samsung បកប្តឹង Apple វិញម្តងថា ល្មើសប៉ាតង់ប្រព័ន្ធដាស់តឿនរបស់ Android

ខណៈដែលប្រិយមិត្ត Apple តែងតែប្រកែកថា ប្រព័ន្ធ Android គឺជា ប្រព័ន្ធលួចចម្លងពី iOS តែក៏ពិបាកប្រកែកដែរថា មានចំណុចខ្លះ ដែល Apple លួចពី Android វិញដែរ ដូចជា ប្រព័ន្ធដាស់តឿន Notification Center (យកដៃអូសលើអេក្រង់ពីលើចុះក្រោម) ដែល ដូចនឹង ប្រព័ន្ធដាស់តឿន របស់ Android ដែរ។ ហើយហេតុផលនេះហើយ ដែល ក្រុមហ៊ុន Samsung បានលើកយកមកប្តឹង Apple នៅទឹកដីគិមឈី ប្រទេសកូរ៉េខាងត្បូង របស់ខ្លួន។

អ្វីដែលគួរអោយចាប់អារម្មណ៍ គឺថា ប៉ាតង់ដាស់តឿននេះ គឺជារបស់ Google តែ Samsung បែរជាយកមកប្រើប្តឹង Apple ទៅវិញ ហើយម៉្យាងវិញទៀត មុខងារដាស់តឿនរបស់ Apple គឺចេញជាងមួយឆ្នាំមកហើយ តាំងពីជំនាន់ iOS 5 មកម៉្លេះ ហើយ Samsung ចាំរហូត មួយឆ្នាំក្រោយ ទើបប្តឹង ដែលនេះ ទើបគេជឿថា ជាការបកសងមកវិញរបស់ Samsung ទៅលើ Apple ប៉ុណ្ណោះ។
បើតាម Patently Apple បានអោយដឹងថា ការយឺតយាវនៃការប្តឹងនេះ អាចព្រោះតែ Google ទើបតែ ទទួលបាន ប៉ាតង់ដាស់តឿននេះ កាលពីខែមុនប៉ុណ្ណោះ៕
ប្រភព: BrightWire

• Tweet
• Pin It