[ព័ត៌មាន] Apple កំពុងចរចារ ទាញយកទិន្នន័យផែនទី Foursquare មកប្រើលើ Apple Maps

បើតាម ប្រភពពី Wall Street Journal បានអោយដឹងថា ក្រុមហ៊ុន Apple គឺកំពុងតែ ចរចារជាមួយ ក្រុមហ៊ុនបណ្តាញទំនាក់ទំនងសង្គម Foursquare ដើម្បីបន្ថែមទិន្នន័យផែនទី របស់ក្រុមហ៊ុននេះ ចូលទៅក្នុងកម្មវិធី Apple Maps។ គួររំលឹកថា កម្មវិធី Foursquare គឺជា កម្មវិធីបណ្តាញ ទំនាក់ទំនងសង្គមមួយ ដែលអាច អោយអ្នកប្រើប្រាស់ ប្រាប់ពីទីតាំង ដែលខ្លួនកំពុងស្ថិត នៅលើផែនទី ព្រមទាំងអាចចែករំលែកសារ ទៅកាន់ មិត្តភក្តិបានទៀតផង ហើយតាមរយៈនេះហើយ ដែលក្រុមហ៊ុននេះ បានប្រមូលទិន្នន័យផែនទី ទាក់ទងនឹង ទីតាំងហាងទំនិញ ឬទីតាំងពាណីជ្ជកម្ម ដែលគេ ចូលចិត្ត ចូលទៅកាន់។
Apple កំពុងស្វះស្វែង ធ្វើអោយ កម្មវិធីផែនទីរបស់ខ្លួន កាន់តែប្រសើរឡើង បើទោះជា ក្រុមហ៊ុន Google ទើបតែ បញ្ចេញ កម្មវិធីផែនទី Google Maps សំរាប់ ប្រព័ន្ធ iOS 6 ក៏ដោយ។

រូបភាពផែនទីរបស់ Foursquare:

តើអ្នកបានប្រើ កម្មវិធី Google Maps ថ្មី ហើយឬនៅ ហើយយល់យ៉ាងណាដែរ ចំពោះ សមត្ថភាពវា?
ប្រភព: WSJ

• Tweet
• Pin It