តាមដាន ខ្សែភាពយន្តល្បីៗ ដែលទើបនឹងចាក់ បញ្ចាំងថ្មីៗ ជាមួយ OneCinema

ជាមួយនឹងកម្មវិធី OneCinema លោកអ្នក អាចតាមដាន ខ្សែភាពយន្តល្បីៗ ដែលទើបនឹងចាក់ បញ្ចាំង នៅអាមេរិក ឬស្រុកខ្មែរ យើង ព្រមទាំង ព័ត៌មានផ្សេងៗទាក់ទង នឹងភាពយន្តនេះ ដូចជា ថ្ងៃចាក់ផ្សាយ តួអង្គ អ្នកដឹកនាំរឿង សង្ខេបរឿង ព្រមទាំង វីដេអូឃោសនា ផងដែរ។

តំរូវការជាមូលដ្ឋាន:
- កម្មវិធី OneCinema ដោនឡូដ ដោយឥតគិតថ្លៃ ពី App Store ឬ iTunes
- iPhone/iPad/iPod Touch ដែលដើរដោយប្រព័ន្ធ iOS 5.0 ឡើងទៅ
- គណនី Apple ID (ចុចដើម្បីមើលវិធីបង្កើត)

វិធីអនុវត្ត

1. ជាដំបូង សូមបើកកម្មវិធី App Store រួចចូលទៅ Search វាយពាក្យ OneCinema។ បន្ទាប់មក ចុច FREE-> INSTALL ហើយ វាយ គណនី Apple ID ចូល (ចុចដើម្បីមើលវិធីបង្កើត)។

2. ក្រោយដោនឡូដរួច សូមចុចបើក កម្មវិធី OneCinema បន្ទាប់ ចុចលើ រឿងណាមួយ ដែលលោកអ្នក ចង់មើល រួចចុច រំកិលទៅក្រោម ដើម្បីមើល រូបភាពក្នុងសាច់រឿង ឬចុចប៊ូតុង “មើលវីដេអូឃោសនា” ដើម្បីមើល Trailer របស់វា ក្នុង YouTube។

3. កម្មវិធីនេះ អាចអោយលោកអ្នក ចែករំលែក ព័ត៌មានពីរឿងថ្មីនេះ ទៅកាន់មិត្តភក្តិ របស់លោកអ្នក ក្នុង Facebook បានយ៉ាងស្រួល ដោយគ្រាន់តែ ធ្វើការ Authorise អោយវា តែម្តងប៉ុណ្ណោះ។ ដើម្បីភាពងាយស្រួល ជាដំបូង សូមបើកកម្មវិធី Facebook របស់លោកអ្នក ចោល រួចបើកកម្មវិធីនេះ ហើយចុច ប៊ូតុង Share រួចរើសយក Facebook។ រើសយក Public លើអាយខន ដែលសរសេរថា “Who can see posts from this app on Facebook?” បន្ទាប់មក ចុច Log In។ ក្រោយ ឡុកចូល រួចរាល់ហើយ ចុចប៊ូតុង Share-> Facebook ម្តងទៀត រួចវាយ សារដែលចង់ផ្ញើ ហើយចុច Share ជាការស្រេច។

4. ដើម្បីមើល បណ្តាកម្មវិធីផ្សេងទៀត របស់ក្រុមការងារ ioskhmer លោកអ្នក អាចចុចប៊ូតុង Info ដែលស្ថិតនៅ ផ្ទាំងដំបូង។

របៀប Donate:

5. បើប្រើកម្មវិធីយើងហើយ ពេញចិត្ត លោកអ្នក អាចចែករំលែកមកវិញ តាមរយៈ ការចុច ផ្ទាំងពាណីជ្ជកម្ម ដែលនៅ ផ្នែកខាងក្រោម។ សូមកុំចុចផ្ទាំង ដែលមានពាក្យថា You’re connected to iAd Network ឬ Easy generate revenue from your application (រូបទី 1 និងទី 2)។ ក្រៅពីនេះ គឺចុចបានទាំងអស់ ហើយសូមរង់ចាំវាលោត រហូតដល់ចប់៕

• Tweet
• Pin It