[ព័ត៌មាន] Apple វ៉ា LG យកតំណែងលេខ 2 ជាទូរស័ព្ទដែលពេញនិយមបំផុតនៅ អាមេរិក

បើតាមរបាយការណ៍ចុងក្រោយ របស់ ក្រុមហ៊ុនស្រាវជ្រាវទិន្នន័យ ComScore បានអោយដឹងថា ក្រុមហ៊ុន Apple បានសំរេច ក្នុងការដណ្តើមយក លេខរៀងទី 2 សំរាប់ តំណែង ក្រុមហ៊ុនផលិតទូរស័ព្ទ ដែលពេញនិយមបំផុត នៅអាមេរិក ដែលកាលពីមុន គឺជាតំណែង របស់ក្រុមហ៊ុន LG។ អ្នកប្រើប្រាស់ iPhone ឥឡូវនេះ មានចំនួន 17.8% នៃចំនួនអ្នកប្រើប្រាស់ទូរស័ព្ទសរុប នៅអាមេរិក ខណៈដែល LG ធ្វើបានត្រឹមតែ 17.6% ប៉ុណ្ណោះ។ ចំណែកតំណែងលេខ 1 បានទៅលើ ក្រុមហ៊ុន Samsung ដែលមាន ចំណែកទីផ្សារប្រមាណ 26.3% កើនឡើង 0.6% បើធៀបនឹង 3 ខែមុន។

ComScore បានអោយដឹងទៀតថា ផលិតផល iPhone 5 និង Samsung Galaxy S III គឺទំនងជា ផលិតផលចំបង ដែលនាំ អោយក្រុមហ៊ុនទាំងពីរនេះ កើនឡើង ចំណែកទីផ្សាររបស់ខ្លួន។ សំរាប់ អ្នកដែល តាមពីក្រោយ LG មាន ក្រុមហ៊ុន Motorola និង HTC ដែលមានចំណែកទីផ្សាររៀងៗខ្លួន 11% និង 6.4%៕
ប្រភព: ComScore

• Tweet
• Pin It