[ព័ត៌មាន] មើល iFixit រុះរើ ម៉ាសីុន iMac 21.5 អីុង ស៊េរីថ្មី

ម៉ាសីុន iMac 21.5 អីុង ស៊េរីថ្មី ទើបនឹងចេញលក់ មិនបានមួយថ្ងៃស្រួលបួលផង ក្រុមការងារជើងរុះរើ iFixit បានធ្វើការ ដោះគ្រឿង ម៉ាសីុនថ្មីនេះ រួចរាល់ទៅហើយ។ អ្វីដែលពួកគេ រកឃើញដំបូង គឺមានការប្រើកាវ បិទផ្នែកអេក្រង់ ទៅកាន់តួគ្រឿង ដែលខុសពីម៉ូដែលមុន ដែលប្រើ ម៉ាញ៉េទិច សំរាប់ តភ្ជាប់ផ្នែកទាំងពីរនេះ។ ចំណែកអេក្រង់របស់ គឺម៉ូដែលតែមួយ របស់ក្រុមហ៊ុន LG ដែលមានលេខរៀងម៉ូដែល LG LM215WF3 ប៉ុន្តែ ម៉ូដែលថ្មីនេះ ស្តើងជាងម៉ូដែលមុន 5 ម.ម។ ចំណែក ការតំរៀបគ្រឿងក្នុងរបស់វាវិញ ក្រុម iFixIt បានរកឃើញថា វាមានការផ្លាស់ប្តូរច្រើន មិនដូចម៉ូដែលមុននោះទេ។

ដោយឡែក គ្រឿងថ្មីៗ ដែលពួកគេ បានប្រទះ មានដូចជា ខ្សែកាម៉េរា FaceTime HD ដែលក្រាស់ជាងមុន, មីក្រូហ្វូនចំនួន 2, មានបាសដែល ធំជាងមុន, RAM ដែលអាចផ្លាស់ប្តូរបាន និងអង្គគណនា ដែលមាន ទុយោបញ្ចេញកំដៅ តទៅកាន់ កង្ហារ។ ក្រុម iFixIt បានផ្តល់ពិន្ទុ 3/10 សំរាប់ ភាពងាយស្រួលក្នុងការជួសជុល ទាបជាង ម៉ូដែលមុនដល់ទៅ 4 ពិន្ទុ៕
ប្រភព: iFixit

• Tweet
• Pin It