[ព័ត៌មាន] Will.i.am នឹងប្រែក្លាយ កាម៉េរា iPhone របស់លោកអ្នក ពី 8MP ទៅ 14MP

Will.i.am អ្នកដឹកនាំក្រុម Black Eyed Peas ដ៏ល្បីល្បាញរបស់ អាមេរិក កំពុងរកផ្លូវ ធ្វើអោយ ការថតរូប នៅលើ ស្មាតហ្វូន កាន់តែប្រសើរឡើង មួយកំរិតទៀត។ អ្នកចំរៀង ម្នាក់នេះ មានគំរោង នឹងបង្ហាញ ឧបករណ៍បន្ថែម និងកម្មវិធី សំរាប់ iPhone នាថ្ងៃទី 28 ខែនេះ ដែលនឹងប្រែក្លាយ កាម៉េរា iPhone ពី 8MP ទៅ 14MP។

ឧបករណ៍បន្ថែមនេះ មានឈ្មោះថា i.am+ ហើយអាចប្រើបាន ជាមួយ iPhone 4/4S/5 ហើយត្រូវបាន គេអះអាងថា នឹងធ្វើអោយ រូបភាព កាន់តែច្បាស់ ហ្មត់ជាងមុន។
“យើង មានសិុនស័រប្រមូលពន្លឺ ដោយខ្លួនឯង ហើយមានភ្លើងបំភ្លឺ Flash ដែលល្អជាង។ លោកអ្នក អាចដោត ឧបករណ៍បន្ថែមនេះ ទៅ iPhone របស់ លោកអ្នក ហើយវា នឹងក្លាយជា ទូរស័ព្ទ ដ៏ឆ្លាតវ័យមួយ។ យើងបាន គ្រប់គ្រង ពិភពកាម៉េរា”… នេះ ជាសំដីរបស់ Will.i.am។
ឧបករណ៍បន្ថែម i.am+ នឹង មានលក់ នាខែធ្នូ ឆ្នាំនេះ ហើយសំរាប់តំលៃវិញ នឹងត្រូវបានគេ ប្រកាស នាថ្ងៃទី 28៕
ប្រភព: Gizmodo

• Tweet
• Pin It