[ព័ត៌មាន] Google នឹងបង្កើតបច្ចេកវិទ្យាបើកចំហរមួយ ស្រដៀងនឹង បច្ចេកវិទ្យា AirPlay របស់ Apple

ការប្រកួតប្រជែង ការកំសាន្តក្នុងបន្ទប់ទទួលភ្ញៀវ បានចាប់ផ្តើមហើយ រវាង Apple និង Google។ បើតាមព័ត៌មានថ្មីៗនេះពី GigaOm បានអោយដឹងថា Google កំពុងបង្កើត បច្ចេកវិទ្យាស្តង់ដារបើកចំហរមួយ ដែលស្រដៀងនឹង បច្ចេកវិទ្យា AirPlay Streaming Protocol របស់ Apple ដែលអាច អោយ ស្មាតហ្វូន ឬកុំព្យូទ័រ បញ្ជូនវីដេអូ ទៅកាន់ ទូរទស្សន៍បាន។

វិុបសាយបច្ចេកវិទ្យា GigaOm បានដកស្រង់ សំដីរបស់ ប្រធានគ្រប់គ្រងផលិតផល Google លោក Timbo Drayson ថា Google ចង់ដឹកនាំ ឧស្សាហកម្ម នេះឆ្ពោះទៅមុខ ជាមួយបច្ចេកវិទ្យា ឥតប្រើខ្សែ ដែលអាច អោយអ្នកប្រើប្រាស់ បញ្ជូនឯកសារកំសាន្ត ពីស្មាតហ្វូន ឬថេបប៉្លេត Android ទៅកាន់ ប្រអប់ទូរទស្សន៍ Google TV បាន។ អី្វដែលអស្ចារ្យជាមួយបច្ចេកវិទ្យាថ្មីនេះ គឺវា អាចបញ្ជូនទិន្នន័យ ទៅវិញទៅមកបាន៕
ប្រភព: GigaOm

• Tweet
• Pin It