[ព័ត៌មាន] នាយកប្រតិបត្តិ HTC លោក Peter Chou បដិសេធថា HTC មិនបានបង់ថ្លៃប៉ាតង់ដល់ Apple រហូត $8 នោះទេ

ក្រុមហ៊ុន HTC គឺកំពុងអបអរ ក្រោយបញ្ចប់ជំលោះប៉ាតង់ ជាមួយ Apple ដោយសន្តិភាព ហើយការដែលលេចលឺ ព័ត៌មានដែលថា HTC ត្រូវបង់ថ្លៃ ប៉ាតង់ដល់ Apple តំលៃរវាង $6 ទៅ $8 សំរាប់ទូរស័ព្ទ HTC មួយគ្រឿង ត្រូវបានច្រានចោលដោយ នាយកប្រតិបត្តិ HTC លោក Peter Chou។ Chou បានអោយដឹងថា “ការវាយតំលៃនេះ គឺគ្មានមូលដ្ឋាន និងខុសទាំងស្រុង… វាជាតួលេខមួយដែលមិនត្រឹមត្រូវ តែខ្ញុំ សុំមិនបញ្ជាក់ពី តួលេខពិតប្រាកដនោះទេ។ ខ្ញុំជឿថា យើងមាន កិច្ចព្រមព្រៀងមួយ ដែលធ្វើអោយសប្បាយចិត្ត ទាំងសងខាង”។


តួលេខ $6-$8 នេះ គឺចេញមកពី អ្នកវិភាគ Shaw Wu របស់ Sterne Agee ហើយគាត់បានប្រាប់ថា គាត់ទទួលបានពី ប្រភពជាច្រើន ក្នុងវិស័យនេះ៕
ប្រភព: Telegraph

• Tweet
• Pin It