[ព័ត៌មាន] Apple និង Google កំពុងចរចារ បញ្ចប់ជំលោះ ជាសកល

សង្គ្រាមនុយក្លេអ៊ែ រវាង ក្រុមហ៊ុន Apple និង Google ប្រហែលជា មិនផ្ទុះឡើងទេ មើលទៅ ព្រោះបើតាម ប្រភពកាលពីពេលថ្មីៗនេះ ពី Bloomberg បានអោយដឹងថា ក្រុមហ៊ុនទាំងពីរនេះ កំពុងចរចារគ្នា សំរុះសំរួលលើ ជំលោះបាតង់ ទូទាំងសកលលោក។ ប្រភពបានអោយដឹងថា ក្រុមហ៊ុនទាំងពីរ បានផ្លាស់ប្តូរ សំណើររវាងគ្នា ទៅវិញទៅមក ទាក់ទងនឹង កុងត្រាប្រើប្រាស់ប៉ាតង់ ស្តង់ដារជាមូលដ្ឋាន របស់ Motorola។ គួររំលឹកថា Apple បានចោទប្រកាន់ថា Motorola បានប្រើប្រាស់ មិនត្រូវត្រូវនូវ ប៉ាតង់ស្តង់ដារជាមូលដ្ឋាន របស់ខ្លួន ហើយព្រមទាំង ទាមទារថ្លៃសិទ្ធិប្រើប្រាស់ ដែលមិនសមហេតុផលទៀតផង តែការចោទប្រកាន់នេះ ត្រូវបានច្រានចោល ដោយតុលាការសហព័ន្ធ ក្នុងរដ្ឋ Wisconsin។

តាមពិត Motorola របស់ Google កំពុងមានប្រៀប ប៉ុន្តែ ដើម្បីបង្ហាញសណ្តានចិត្ត ចង់ផ្សះផ្សារ ជំលោះ Motorola គឺជាភាគីដំបូង ដែលស្នើរទៅ Apple ដើម្បី បញ្ចប់ជំលោះ ដោយប្រើ វិធីផ្សះផ្សារ ក្រៅតុលាការ៕
ប្រភព: Bloomberg

• Tweet
• Pin It