Appsfire Deals ណែនាំ កម្មវិធីដែលគេ ចុះថ្លៃ អោយដោនឡូដ ដោយមិនចំណាយប្រាក់

យើងធ្លាប់ណែនាំម្តងហើយ នូវកម្មវិធី AppsGoneFree ដែលនឹង ណែនាំលោកអ្នក នូវបណ្តាកម្មវិធី ដែលម្ចាស់កម្មវិធីគេ បញ្ចុះតំលៃដើមរបស់វា មកជា ឥតគិតថ្លៃ ដើម្បីជំរុញការប្រើប្រាស់ ប៉ុន្តែ ជាមួយនឹង រយៈពេលដោនឡូដ មានកំណត់ ហើយលោកអ្នក អាចដោនឡូដបានដោយ ស៊េរី នៅលើ App Store។ ប៉ុន្តែកម្មវិធី AppsGoneFree នេះ ណែនាំកម្មវិធីមិនសូវច្រើននោះទេ។ ថ្ងៃនេះ យើងសូមណែនាំនូវកម្មវិធីថ្មី មួយឈ្មោះ Appsfire Deals ដែលសម្បូរកម្មវិធីជាង។

តំរូវការជាមូលដ្ឋាន:
- កម្មវិធី Appsfire Deals ដោនឡូដបានពី App Store ឬ iTunes
- iPhone/iPad/iPod Touch ដែលដើរដោយប្រព័ន្ធ iOS 4.3 ឡើងទៅ
- គណនី Apple ID (ចុចដើម្បីមើលវិធីបង្កើត)

វិធីអនុវត្ត

1. ជាដំបូង សូមបើកកម្មវិធី App Store រួចចូលទៅ Search ហើយវាយពាក្យ Appsfire Deals ក្នុងប្រអប់រាវរក។ ចុចលើវា រួចរើសយក INSTALL-> FREE រួចវាយ លេខសំងាត់គណនី Apple ID របស់អ្នក ដើម្បីដំឡើង។

2. បន្ទាប់មក ចុចបើកកម្មវិធី Appsfire Deals នេះ ហើយចុចលើ ឡូហ្គូ Facebook ដើម្បីចុះឈ្មោះ ឬ
ចុចលើពាក្យ “No thanks, I don’t want exclusive deals” ដើម្បីរំលងការចុះឈ្មោះ។ បន្ទាប់មក រើសយក អាយខនណាមួយ ដើម្បីប្រាប់ពី ចំណង់ចំណូលចិត្ត ខ្លួនឯង ឬចុច ប៊ូតុង Skip ដើម្បីរំលង។

3. ពេលចូលដល់ ផ្ទាំងដើមរបស់កម្មវិធី Appsfire Deals មាន ថេបទាំងអស់ 4 គឺ Now Free (កម្មវិធីដែលគេ ចុះតំលៃលក់អោយនៅ $0), Top Free (កម្មវិធីឥតគិតថ្លៃ ដែលមានគេដោនឡូដច្រើន), Price Drops (កម្មវិធីដែលចុះតំលៃភាគរយ) និង Me (កម្មវិធីដែលយើង ធ្លាប់បើកមើល និងចូលចិត្ត)។ អ្វីដែលលោកអ្នក នឹងប្រើប្រាស់ច្រើន គឺក្នុងថេប Now Free។ រំកិលចុះក្រោម ហើយ ស្វែងរកកម្មវិធីណាមួយ ដែលចង់បាន រួចចុចលើវា បន្ទាប់មក ចុចប៊ូតុង FREE នោះវា នឹងនាំលោកអ្នក ទៅកាន់ App Store របស់ Apple។ ចុចប៊ូតុង FREE-> INSTALL ហើយវាយ គណនី Apple ID ដើម្បីដោនឡូដ ជាការស្រេច៕

• Tweet
• Pin It