[ព័ត៌មាន] Google ស្ថិតក្នុងដំណាក់កាលចុងក្រោយ នៃការតេស្ត កម្មវិធីផែនទីថ្មី សំរាប់ iPhone

ក្រុមហ៊ុន Google កំពុងស្ថិតក្នុងដំណាក់កាលចុងក្រោយ នៃការតេស្ត កម្មវិធីផែនទីរបស់ខ្លួន Google Maps សំរាប់ប្រព័ន្ធ iOS (iPhone/iPad)… នេះបើតាមប្រភព ពី The Wall Street Journal។ កំណែទំរង់ Beta នៃកម្មវិធីថ្មីនេះ ត្រូវបាន បញ្ជូនទៅ អ្នកតេស្តសាកល្បង ទាំងខាងក្នុង និងខាងក្រៅ ក្រុមហ៊ុន Google មុននឹង បញ្ជូនទៅ Apple App Store ដើម្បីត្រួតពិនិត្យជាចុងក្រោយ។ WSJ បានបន្តទៀតថា កម្មវិធីផែនទី Google Maps សំរាប់ iOS នេះ នឹងមាន មុខងារនាំផ្លូវ ដែលជាមុខងារមួយ Google បដិសេធមិនបញ្ចូល ក្នុងកម្មវិធី Maps របស់ iOS កំណែទំរង់ 5.0 ចុះក្រោម។

ការបដិសេធនេះ ក៏ជាមូលហេតុមួយ ដែល Apple សំរេចចិត្ត ប្រើទិន្នន័យផែនទីថ្មីរបស់ TomTom ជំនួសផែនទី Google ក្នុងកម្មវិធី Maps សំរាប់ iOS 6.0៕
ប្រភព: WSJ

• Tweet
• Pin It