វីធីដំឡើង វចនានុក្រម ខ្មែរ-ខ្មែរ សម្តេចសង្ឃ ជួន ណាត

កម្មវិធីវចនានុក្រម សំរាប់ ប្រព័ន្ធ iOS ឥឡូវនេះ សម្បូរច្រើនណាស់ តែច្រើនជា ការបកប្រែពី ភាសាមួយ ទៅភាសាមួយ (ខ្មែរ-អង់គ្លេស, អង់គ្លេស-ខ្មែរ…)។ សំរាប់ លោកអ្នក ដែលត្រូវការ វចនានុក្រម សំរាយភាសាខ្មែរ ថ្ងៃនេះ ក្រុមការងារ យើង សូមលើកយក វិធីដំឡើង វចនានុក្រម ខ្មែរ-ខ្មែរ របស់ សម្តេចសង្ឃ មកធ្វើការបង្ហាញ ដូចតទៅ។

តំរូវការជាមូលដ្ឋាន:
- iPhone, iPod Touch ឬ iPad ដែលដោះគុករួច និងដំឡើងភាសា និងឃីប៊តខ្មែរ រួចហើយ ព្រោះកម្មវិធីនេះ មិនមានឃីប៊តខ្មែរនោះទេ
- កម្មវិធី WeDict Pro ទិញ និងដំឡើងបានពី App Store
- ឯកសារវចនានុក្រម Chuon Nath (ដោនឡូដដោយឥតគិតថ្លៃដោយ ក្រុម khmeriphone)

វិធីដំឡើង:

1. ជាដំបូង សូមដំឡើងកម្មវិធី⁣ WeDict Pro ពី App Store រួចបើកប្រើវា។ បន្ទាប់មក ចូលទៅ Settings->Dictionaries-> Download រួចចុចប៊ូតុង Download From URL។

2. បន្ទាប់មក វាយពាក្យ http://khmeriphone.googlecode.com/files/ ChuonNath_Dico.zip រួចចុច Go ដើម្បីចាប់ផ្តើម ដោនឡូដ។ ចំណាំ:សូមវាយលីង អក្សរធំតូច អោយដូច ទើបដោនឡូដបាន

3. បន្ទាប់មក ត្រឡប់មកផ្ទាំងដើមកម្មវិធីវិញ រួចចុចលើ Setting-> Dictionaries ហើយរំកិលចុចក្រោម រកពាក្យ ChuonNath ហើយ សូមប្រាកដថា វាមាន Tick នៅពីក្រោយ។ ត្រឡប់មក ផ្ទាំងដើមវិញ ហើយ វាយពាក្យ ខ្មែរ ដែលចង់ដឹង ជាការស្រេច៕

• Tweet
• Pin It