[ព័ត៌មាន] Apple កាត់បន្ថយ ការកម្ម៉្មង់ ឈីបអង្គចងចាំ សំរាប់ iPhone ថ្មី ពី Samsung

បើតាមប្រភពពី Reuters បានអោយដឹងថា ក្រុមហ៊ុន Apple កាលពីពេលថ្មីៗនេះ បានសំរេច កាត់បន្ថយ ការកម៉្មង់ ឈីបអង្គចងចាំ សំរាប់ iPhone ជំនាន់ក្រោយ ពី អ្នកផ្គត់ផ្គង់ ចម្បងរបស់ខ្លួន គឺ ក្រុមហ៊ុន Samsung ហើយ ដើម្បីពង្រីក បណ្តាញផ្គត់ផ្គង់របស់ខ្លួន តែទោះជា យ៉ាងណា Samsung នៅតែ ឈរឈ្មោះក្នុងបញ្ជីរបណ្តា អ្នកផ្គត់ផ្គង់ គ្រឿងបន្លាស់ សំរាប់ iPhone ដដែល។

គួររំលឹកដែរថា Samsung គឺជា អ្នកផ្គត់ផ្គង់ចម្បងលើ គ្រឿងបន្លាស់ iPhone, iPad និង iPod Touch មិនត្រឹមតែ ឈីបអង្គចងចាំប៉ុណ្ណោះទេ គឺរួមមាន អង្គគណនា, អេក្រង់, ឈីប DRAM និង NAND ផងដែរ។ ប្រភពបាន បន្តទៀតថា អ្នកដែល មកជំនួស Samsung គឺក្រុមហ៊ុន Toshiba របស់ជប៉ុន, Elpida របស់សឹង្ហបុរី និង Hynix របស់ កូរ៉េ។
បើទោះជា មិននិយាយចំ យ៉ាងណា ក៏ដោយ តែយើងយល់ថា នេះ⁣គឺ ជា ជំហានរបស់ Apple ក្នុងការ កាត់បន្ថយ ឥទ្ធិពលរបស់ Samsung មកលើ ក្រុមហ៊ុនខ្លួន៕
ប្រភព: Reuters

• Tweet
• Pin It