[ព័ត៌មាន] ក្រុមហ៊ុនចិន GooPhone លួចចំលងម៉ូដ iPhone 5 ហើយស្នើរប៉ាតង់រចនាម៉ូដវា នៅចិន ទៀត

នេះ អាចនឹងស្តាប់ទៅ គួរអោយហួសចិត្ត។ បើតាមប្រភពពី gizchina.com បានអោយដឹងថា មានក្រុមហ៊ុន មួយ របស់ចិន ឈ្មោះ Goophone បានលួចចម្លងម៉ូដ iPhone 5 តាមរយ:រូបភាព លេចធ្លាយ តាមអ៊ីនធើណែត រួចបង្កើត ទូរស័ព្ទមួយឈ្មោះ GooPhone i5 ហើយអ្វីដែលអស្ចារ្យនោះ គឺថា ក្រុមហ៊ុនមួយនេះ បានស្នើរសុំ ប៉ាតង់រចនាម៉ូដនេះ របស់ខ្លួន នៅចិន រួចហើយ។


ក្រុមហ៊ុននេះ បាននិយាយថា ខ្លួននឹងប្តឹង Apple ល្មើសប៉ាតង់របស់ខ្លួន បើសិន Apple ហ៊ានលក់ iPhone 5 នៅប្រទេសចិន។ GooPhone បានអះអាងថា ផលិតផលរបស់ខ្លួន មានបំពាក់ដោយ បន្ទ:ឈីប Nvidia Tegra 3 អង្គគណនា Quad-Core 1.4GHz, អង្គចងចាំ 1GB RAM, កាម៉េរា 8MP, អេក្រង់ 4 អ៊ីង និងដើរដោយប្រព័ន្ធ Android 4.0 ICS៕

ប្រភព: Gizchina.com

• Tweet
• Pin It