[ព័ត៌មាន] Motorola ចោទ Apple ថា ល្មើសប៉ាតង់ ចំនួន 7 របស់ខ្លួន

Motorola ដែលជា ផ្នែកមួយរបស់ក្រុមហ៊ុន Google កាលពីពេលថ្មីៗនេះ បានដាក់ពាក្យប្តឹង ក្រុមហ៊ុន Apple ទៅកាន់ ក្រសួង ITC របស់ អាមេរិក ដោយចោទប្រកាន់ថា Apple បានល្មើស ប៉ាតង់ ចំនួន 7 របស់ខ្លួន ដែលកំពុងប្រើប្រាស់លើ iPhone, iPad, iPod Touch និងម៉ាសីុន Mac… នេះបើតាមប្រភពពី Wall Street Journal។ ប៉ាតង់ ដែល Motorola ប្តឹងថា Apple ល្មើស រួមមាន បច្ចេកវិទ្យាគ្រប់គ្រង ដោយប្រើសម្លេង នៅលើ Siri, ការដាស់តឿន ដោយប្រើ ទីតាំងភូមិសាស្ត្រ, ការដាស់តឿនអីុម៉ែលបែប Push និងការចាក់លេង ឯកសារកំសាន្ត នៅលើ ស្មាតហ្វូន។


គួររំលឹកថា កាលពីដើមឆ្នាំនេះ Apple បានប្តឹង Motorola ថា ល្មើសនឹង ប៉ាតង់ ចំនួន 4 របស់ខ្លួន តែចុងក្រោយ ត្រូវបាន ច្រានចោល ដោយតុលាការ។ បណ្តឹងថ្មីេនះ របស់ Motorola-Google បានកើតឡើង ចំពេល ដែល បណ្តឹង ប្រចាំសតវត្ស រវាង Apple និង Samsung ខិតជិតដល់ ការសំរេចសេចក្តី៕
ប្រភព: WSJ

• Tweet
• Pin It