[ព័ត៌មាន] តំលៃហ៊ុន Facebook ធ្លាក់ចុះពាក់កណ្តាល បើធៀបនឹង កាលពីតំលៃ បើកលក់ដំបូង IPO

ជារឿងមួយដែលកំសត់ តែជាការពិត… អ្នកដែលបាន វិនិយោគលើ ហ៊ុន របស់ ក្រុមហ៊ុន Facebook ប្រហែលជា ស្រងាកចិត្តមិនស្ទើរនោះទេ ព្រោះតំលៃហ៊ុន បច្ចុប្បន្ន កាលពីថ្ងៃសុក្រ កន្លងទៅ ធ្លាក់មកនៅត្រឹម $19.07 ប៉ុណ្ណោះ… ធ្លាក់ជាង ពាក់កណ្តាល បើធៀបនឹង តំលៃហ៊ុនពេល បើកលក់ដំបូង អំឡុងពេល IPO ដែលមានតំលៃ $38 ក្នុងមួយហ៊ុន។ ការធ្លាក់ចុះនេះ⁣ កើតឡើង ក្រោយមានការប្រកាសថា សមាជិក Facebook ប្រមាណ 83 លាននាក់ ប្រើគណនី ក្លែងក្លាយ ដែលការប្រកាសនេះ បានធ្វើអោយ អ្នកវិនិយោគ ជាច្រើន បាត់បង់ជំនឿចិត្ត លើ Facebook។


ចំណែក នាយកប្រតិបត្តិ Facebook លោក Mark Zuckerberg វិញ មាន ភាគហ៊ុន សរុបក្នុងដៃ 503.6 លានហ៊ុន ហើយទ្រព្យសម្បត្តិរបស់លោក បានធ្លាក់ចុះពី 19.14 ពាន់លានដុល្លារ កាលពី ហ៊ុននៅតំលៃ $38 មកនៅត្រឹមតែ $9.6 ពាន់លានដុល្លារ កាលពីថ្ងៃសុក្រ នៅពេលហ៊ុនធ្លាក់មកនៅត្រឹម $19.07 ក្នុងមួយហ៊ុន។
តើជំនាន់មាស របស់ បណ្តាញទំនាក់ទំនងសង្គម បានបញ្ចប់ហើយមែនទេ?
ប្រភព: WSJ

• Tweet
• Pin It