[ព័ត៌មាន] iFixYouri បង្ហាញ ដ្យាក្រាម បណ្តុំគ្រឿងបន្លាស់ iPhone 5

iFixYouri អ្នកជំនាញខាងជួសជុល iPhone បានរៀបចំ រូបភាព ដ្យាក្រាម បណ្តុំគ្រឿងបន្លាស់ iPhone 5 ដែលលេចចេញកន្លងមក។ ហើយបើតាម ការតំរៀប គេឃើញថា គ្រឿងបន្លាស់ ដែលលេចចេញមកទាំងនោះ អាចដាក់ចូលគ្នា បានយ៉ាងត្រឹមត្រូវ ហើយនេះ កាន់តែធ្វើអោយ គេកាន់តែជឿជាក់បានថា រូបភាពគ្រឿងបន្លាស់ ទាំងនោះ គឺជា រូបភាពគ្រឿងបន្លាស់ ពិតប្រាកដ។
iPhone ជំនាន់ក្រោយ ឬ iPhone 5 ត្រូវបានគេ រំពឹងថា នឹងត្រូវបានគេ ប្រកាស នាខែ កញ្ញា ខាងមុខនេះ ហើយវា នឹងមានការផ្លាស់ប្តូរ រូបរាង ខុសពីមុនបន្តិច ដូចជា កំរាស់ស្តើងជាងមុន, អេក្រង់ថ្មី 4 អីុងធំជាងមុន ជាមួយនឹង ទំហំបង្ហាញរូបភាព 640×1136 ភិចសែល, ទ្រទ្រង់ប្រព័ន្ធបណ្តាញ 4G LTE, បន្ទៈ NFC និងបន្ទៈឈីប ដែលលឿនជាងមុន៕

ដ្យាក្រាមបណ្តុំគ្រឿងបន្លាស់ iPhone 5:

ប្រភព: iFixYouri, 9to5Mac

• Tweet
• Pin It