[ព័ត៌មាន] Apple រកចំណូលបានពី⁣ ត្រីមាសទីបីឆ្នាំនេះ ប្រមាណ $35 ពាន់លានដុល្លារ

កាលពីពេលថ្មីៗនេះ ក្រុមហ៊ុន Apple បានធ្វើការ ប្រកាសពី ប្រាក់ចំណូល សំរាប់ត្រីមាសទី 3 ឆ្នាំ 2012 នេះ។ ដូចដែលបានរំពឹងទុក Apple អាចរកចំណូលបាន ប្រមាណ $35 ពាន់លានដុល្លារ ហើយក្នុងនោះ ជាប្រាក់ចំណេញសុទ្ធ $8.8 ពាន់លានដុល្លារ។ ចំណេញនេះ បានកើនឡើង $1.5 ពាន់លានដុល្លារ បើធៀបនឹង ត្រីមាសទី 3 ឆ្នាំមុន។ ហើយ ជាថ្មីម្តងទៀត ក្រុមហ៊ុន Cupertino មួយនេះ បានប្រកាសថា នឹងចែកប្រាក់ចំណេញ ដល់ អ្នកកាន់ហ៊ុន Common Stock ទាំងឡាយរបស់ខ្លួន $2.65 ក្នុងមួយហ៊ុន។

Apple បានអោយដឹងថា ក្នុងរយៈពេល 3 ខែនេះ ខ្លួន បានចែកចាយ iPad ប្រមាណ 17 លានគ្រឿង (កើនឡើង 84% បើធៀបនឹង ត្រីមាសទី 3 ឆ្នាំមុន) រកចំណូលបាន $9 ពាន់លានដុល្លារ, ម៉ាស៊ីន Mac 4 លានគ្រឿង (កើនឡើង 2%) រកចំណូលបាន $4 ពាន់លានដុល្លារ ហើយ ស្រឡាយផលិតផល ដែលនៅតែ ធ្វើអោយ Apple កើបលុយ គឺ iPhone ដែលអាចលក់បាន 26 លានគ្រឿង (កើនឡើង 28%) ដែលអាចរកចំណូលបាន $16 ពាន់លានដុល្លារ៕
តារាងប្រាក់ចំណូលត្រីមាសទី 3 ឆ្នាំ 2012:

ប្រភ⁣ព: Apple

• Tweet
• Pin It