[ព័ត៌មាន] Isaacson បង្ហើបពី ការយល់ឃើញរបស់ Steve Jobs ទៅលើ Zuckerberg

លោក Walter Isaacson ដែលជា អ្នកនិពន្ធ ជីវប្រវត្តិ អតីតនាយកប្រតិបត្តិ Apple លោក Steve Jobs បានចូលរួម ជាមួយសមាជិកក្រុមប្រឹក្សា Facebook លោក Don Graham ក្នុងសន្និសីទ្ធិប្រចាំឆ្នាំ Brainstorm Tech ហើយ លោកត្រូវ បានគេ ចោទសួរអំពីការ យល់ឃើញ របស់ Steve Jobs ទាក់ទងនឹង នាយកប្រតិបត្តិ Facebook លោក Mark Zuckerberg។ Don Graham បានរំលឹក ពី ការជះឥទ្ធិពល របស់ អតីតនាយកប្រតិបត្តិ Apple ទៅលើ Mark Zuckerberg ហើយ គាត់បាន ងាកមកសួរ Isaacson ថាតើ Steve Jobs ធ្លាប់រំលឹកពី Mark ទេ។ នេះ គឺជាចម្លើយរបស់ Isaacson:

“ខ្ញុំម្តងធ្លាប់សួរ Jobs ថា តើគាត់ សរសើរអ្នកណាខ្លះ នៅ Silicon Valley ហើយឈ្មោះដំបូង ដែលចេញពី បបូរមាត់គាត់ គឺ Mark។ Jobs សរសើរ Zuckerberg សំរាប់ ការចេះប្រើ សតិអារម្មណ៍របស់គាត់ ដើម្បីដឹកនាំ Facebook ថាតើ អនាគតវា គួរដើរទៅណា ព្រមទាំង ការប្តេជ្ញាមុះមុត របស់គាត់ ដែលអាចអោយគាត់ ហ៊ានសំរេច ផ្លាស់ប្តូរផ្លូវដើររបស់ Facebook និងទាត់ចោលអ្វីដែលចាស់ៗ។ Jobs មានអារម្មណ៍ ហាក់មានទំនាក់ទំនងប្លែក ជាមួយ Mark។”

Isaacson បានបន្តទៀតថា Jobs មិនអាចសំរេច ក្នុងការបង្កើត បណ្តាញទំនាក់ទំនងសង្គម Ping របស់ខ្លួន ហើយ ទីបំផុត គាត់ក៏ឈប់ព្យាយាម។ នៅពេលដែល ត្រូវបានសួរថា ហេតុអ្វី… Jobs បាននិយាយថា ប្រហែល ជា Mark ធ្វើវា បានល្អជាង ដូចនេះ មិនចាំបាច់ បង្កើតថ្មីនោះទេ ព្រោះ Facebook ធ្វើត្រូវចំណុចហើយ។
វា ជារឿងកំរណាស់ ដែលអ្នកនៅ Solicon Valley បង្ហាញនូវការ គោរពរវាងគ្នាទៅវិញទៅមក៕
អ្នកនិពន្ធ Walter Isaacson:

ប្រភព: Business Insider

• Tweet
• Pin It