[ព័ត៌មាន] Apple ស្នើសុំ ចុះឈ្មោះ សិទ្ធិផ្លាកសញ្ញា “OS X Mountain Lion” និង “Mountain Lion”

មើលទៅ បែបធុញនឹង ក្រុមហ៊ុនចិន ចេះតែ ឆាឆៅ រឿងសិទ្ធិផ្លាកសញ្ញា ហើយមើលទៅ ទើប Apple បានស្នើសុំ ចុះឈ្មោះ ផ្លាកសញ្ញា តោភ្នំ “OS X Mountain Lion” និង “Mountain Lion” សំរាប់នៅប្រទេសអាមេរិក ដែល ជា ឈ្មោះ ប្រព័ន្ធប្រតិបត្តិការណ៍ សំរាប់ ម៉ាស៊ីុន Mac របស់ខ្លួន។ កាលពីខែមុន Apple បានសំរេច ចំណាយទៅ ក្រុមហ៊ុន Proview របស់ចិន ប្រមាណ $60 លានដុល្លារ ដើម្បីបញ្ចប់ ជំលោះ ផ្លាកសញ្ញា iPad នៅប្រទេសចិន។

ហើយមិនទាន់បាន ប៉ុន្មានផង មានក្រុមហ៊ុន ចិន មួយទៀត ឈ្មោះ “Jiangsu Xuebao“ ដែលជា ក្រុមហ៊ុនផលិត គ្រឿងគីមី សំរាប់ប្រើក្នុងផ្ទះ បានចេញមុខ ប្តឹង Apple ថា បានល្មើសលើ ផ្លាកសញ្ញា ឈ្មោះ ខ្លារខិនទឹកកក “Snow Leopard” របស់ខ្លួន ដែលសរសេរ ជាភាសាចិនថា “Xuebao (雪豹)”។ ទំនង ជាឃើញ Proview បានលុយច្រើនហើយមើលទៅ

ទើបនាំគ្នាធ្វើតាម។ គួររំលឹកដែរថា ការចុះឈ្មោះ ផ្លាកសញ្ញា គឺមានប្រសិទ្ធិភាព តាមប្រទេស ដែលនេះ មានន័យថា បើចុះឈ្មោះ នៅអាមេរិក គឺវា នឹងការពារ បានតែឈ្មោះនៅ អាមេរិក ប៉ុណ្ណោះ៕

• Tweet
• Pin It