[ព័ត៌មាន] Facebook ទាក់បាន អតីតអ្នកគ្រប់គ្រង ផ្នែករចនា អ៊ីនធើហ្វេសផលិតផល របស់ Apple ម្នាក់ទៀតហើយ

បើតាមប្រភពពី​ InsideFacebook បានអោយដឹងថា​ ក្រុមហ៊ុន​ Facebook ទើបនឹង​ ទាក់បាន អតីត អ្នកគ្រប់គ្រង ផ្នែករចនា អ៊ីនធើហ្វេសផលិតផល របស់ Apple អោយធ្វើការ អោយខ្លួន។ លោក Chris Weeldreyer មានបទពិសោធន៍យ៉ាងក្រាស់ក្រែល ទាក់ទងនឹង ការរចនា អ៊ីនធើហ្វេស កាលធ្វើការអោយ Apple ហើយស្នាដៃរបស់គាត់ មានដូចជា កម្មវិធី iWeb សំរាប់ iPad, ការបង្កើតបច្ចេកវិទ្យាទាក់ទង នឹង Multi-Touch និងការបញ្ជារដោយកាយវិការ ព្រមទាំងប៉ាតង់មួយចំនួន ទាក់ទងនឹងប្រព័ន្ធសុវត្ថិភាព។​

គំនូរព្រាងម៉ូដមិនផ្លូវការស្មាតហ្វូន Facebook:

ព័ត៌មាននេះ បានបង្ហាញអោយឃើញថា ក្រុមហ៊ុនបណ្តាញទំនាក់ទំនងសង្គមមួយនេះ អាចនឹងចាប់អារម្មណ៍ ចង់បង្កើតស្មាតហ្វូន ដោយខ្លួនឯង ព្រោះប៉ុន្មានខែនេះ គេឃើញ ក្រុមហ៊ុនមួយនេះ ជួលអតីត វិស្វករ Apple មួយចំនួន ដែលធ្លាប់មាន បទពិសោធន៍ ទាក់ទងនឹងការផលិតទូរស័ព្ទ iPhone៕
ប្រភព: InsideFacebook

• Tweet
• Pin It