វីធីដំឡើងទៅកាន់ iOS 5.1.1 និង Jailbreak iPhone, iPad, iPod Touch ជាមួយកម្មវិធី Absinthe

ជាមួយនឹងកម្មវិធី Absinthe លោកអ្នក អាចធ្វើការ Jailbreak iPhone 3GS, iPhone 4, iPhone 4S, iPad 1, iPad 2, The new iPad, iPod Touch 3G និង iPod Touch 4G បានយ៉ាងស្រួល ហើយអ្វីដែលលោកអ្នក ត្រូវធ្វើ នោះគឺដំឡើងទៅកាន់ប្រព័ន្ធ iOS 5.1.1 ជាមុនសិន ទើបបាន។ សូមចំណាំ: សំរាប់លោកអ្នក ដែលប្រើ iPhone ជាប់កូដ ហើយដោះកូដដោយប្រើ Ultrasn0w ឬទ្រានាប់ស៊ីម Gevey ត្រូវរក្សា Baseband ជាមុនសិន មុននឹងឡើងទៅ iOS 5.1.1។
សូមអនុវត្តដូចតទៅ:
 

តំរូវការជាមូលដ្ឋានៈ
-កម្មវិធី redsn0w ដោនឡូដពីទីនេះ: http://www.mediafire.com/?snxgogjhzrsyrap
-កម្មវិធី Absinthe ដោនឡូដពីទីនេះ: http://greenpois0n.com/?p=324
-កម្មវិធី iTunes ដោនឡូដពីទីនេះ: http://www.apple.com/itunes/
-ឯកសារដំឡើងដើមប្រព័ន្ធ iOS 5.1.1 (Stock OS):
- iPhone 4S: iPhone4,1_5.1.1_9B206_Restore.ipsw
- iPhone 4 (GSM): iPhone3,1_5.1.1_9B206_Restore.ipsw
– iPhone 3GS: iPhone2,1_5.1.1_9B206_Restore.ipsw
- iPad 1: iPad1,1_5.1.1_9B206_Restore.ipsw
- iPad 2 WiFi: iPad2,1_5.1.1_9B206_Restore.ipsw
- iPad 2 GSM+WiFi: iPad2,2_5.1.1_9B206_Restore.ipsw
- The new iPad (iPad 3 Wifi): iPad3,1_5.1.1_9B206_Restore.ipsw
- The new iPad (iPad 3 GSM+WiFi): iPad3,2_5.1.1_9B206_Restore.ipsw
- iPod Touch 3G: iPod3,1_5.1.1_9B206_Restore.ipsw
- iPod Touch 4G: iPod4,1_5.1.1_9B206_Restore.ipsw
កំណត់ចំណាំ:
-កំរិតលំបាក: សំរាប់អ្នកមធ្យម
-បានតេស្តនៅលើ iPhone 4 Locked (Baseband: 01.59.00)

វិធីអនុវត្តន៍

វិធីដំឡើងទៅកាន់ iOS 5.1.1

1.សំរាប់លោកអ្នក ដែលប្រើ iPhone Original ឬ Unlock, iPad, iPod Touch មិនចាំបាច់ត្រូវបង្កើត Custom Firmware ឬ ដាក់វា ក្នុង DFU Mode ទេ សូមរំលងទៅកាន់ជំហានទី 4។ សំរាប់លោកអ្នក ដែលប្រើ iPhone 3GS និង 4 ជាប់កូដ ជាដំបូង ត្រូវបង្កើតឯកសារដំឡើង Custom Firmware iOS 5.1.1 ដែលមិនមាន Baseband ឬ Modem Firmware ជាមុនសិន។សូមដោនឡូដ ឯកសារដំឡើងដើម iOS 5.1.1 (Stock OS) ពីវ៉ិបសាយខាងលើ ទៅតាមប្រភេទ iPhone របស់លោកអ្នក។ រួចសូមបើកកម្មវិធី redsn0w ដោយចុចម៉ៅខាងស្តាំលើវា រួចរើសយក Run as administrator រួចរើសយក Extra។

 
2.ចុចយក Custom IPSW រួចចូលទៅកាន់ទីតាំង ដែលលោកអ្នក បានដោនឡូដ ឯកសារដំឡើងដើម iOS 5.1.1 (Stock OS)។ ចុចលើឯកសារនេះ រួចចុច Open។ រង់ចាំមួយសន្ទុះប្រមាណ 5-10 នាទី អាស្រ័យលើល្បឿនកុំព្យូទ័ររបស់លោកអ្នក។ នៅពេល វាលោតផ្ទាំង Custom IPSW Created។ នោះលោកអ្នក នឹងទទួលបាន ឯកសារដំឡើង Custom Firmware ដែលមានឈ្មោះថា NO_BB_xxx_5.1.1_9B206_Restore.ipsw។ កូពីវា ទៅមួយកន្លែង ដើម្បីកុំអោយច្រឡំគ្នា នឹងឯកសារដំឡើងដើម iOS 5.1.1 (Stock OS)។


 
3. បន្ទាប់មក ចូរដាក់ iPhone ក្នុង DFU Mode ដោយភ្ជាប់ iPhone នឹងកុំព្យូទ័រ រួចបិទទូរស័ព្ទ រួចចុចលើប៊ូតុង Pwned DFU។ បើលោកអ្នក ចេះធ្វើ DFU ដោយខ្លួនឯង លោកអ្នក អាចធ្វើវា ជាមុន រួចស៊ឹមចុច Next។ តែបើមិនចេះនោះទេ សូមចុច Next រួចមើលតាមការណែនាំដោយ ដោយចុចប៉ូតុង Power (ប៉ូតុងបិទ-បើកទូរស័ព្ទ) អោយជាប់ 3 វិនាទី។ នៅបន្តចុចប៊ូតុង Power រួចហើយចុចប៉ូតុង Home (ប៉ូតុងមូលនៅកណ្តាលខាងក្រោមអេក្រង់) អោយជាប់ប្រមាណ 10 វិនាទី រួចបន្ទាប់មក ព្រលែងប៉ូតុង Power តែនៅចុច ប៉ូតុង Home អោយជាប់ដដែល ប្រមាណ 15 វិនាទី។ វានឹងចេញថា Done! ហើយនៅលើ អេក្រង់លោកអ្នក នឹងចេញផ្ទាំងខ្មៅ ដែលមានន័យថា iPhone របស់លោកអ្នក ស្ថិតក្នុង DFU ហើយ។
កំណត់សំគាល់់ៈ ក្នុងករណី ធ្វើទៅមិនបានសំរេច សូមចាប់ផ្តើម ជំហានទី 3 ម្តងទៀត។ ជួនកាល ត្រូវធ្វើ 4-5 ដងទើបបានសំរេច។




 

វិធី Restore ទៅកាន់ iOS 5.1.1 តាមរយៈកម្មវិធី iTunes:

4. សូមបើកកម្មវិធី iTunes។ លោកអ្នក ត្រូវភ្ជាប់អ៊ីនធើណែត ទើបអាចបន្តទៅកាន់ជំហានបន្ទាប់បាន។ បន្ទាប់មក iTunes នឹងលោតផ្ទាំងថា វាត្រូវការឆែកជាមួយ server ដើម្បីសំគាល់ទូរសព័្ទរបស់យើង។ សូមចុចប៉ូតុង Check រួចចុច OK។

 
5.ក្នុងផ្ទាំង Restore នេះ សូមចុចឃី SHIFT នៅលើឃីប៊តអោយជាប់ រួចសឹមចុចលើប៉ូតុង Restore។ សំរាប់ អ្នកប្រើ iPhone ជាប់កូដ សូមចូលទៅទីតាំង ដែលរក្សា ឯកសារដំឡើង Custom Firmware ដែលបានបង្កើត នៅជំហានទី 2 ឈ្មោះ NO_BB_xxx_5.1.1_9B206_Restore.ipsw។ សំរាប់អ្នកប្រើ iPhone Original, iPod Touch និង iPad សូមរើសយកឯកសារដំឡើងដើម Stock Firmware។

 
6.បន្ទាប់មក ចុច Restore រួចរង់ចាំ រហូតការដំឡើងបានចប់សព្វគ្រប់។ បន្ទាប់មក iPhone របស់លោកអ្នក នឹង Restart មិនខាន។

 

វិធី Jailbreak iOS 5.1.1 តាមរយៈកម្មវិធី Absinthe:

7. ដោនឡូដ កម្មវិធីនេះ ពីលីងខាងលើ រួច Right Click រើសយក Run as administrator។ កម្មវិធីនេះ នឹងពន្លាឯកសារថ្មី និងបង្កើតថតមួយឈ្មោះ Absinthe។ បន្ទាប់មក ចុចលើថត Absinthe នេះ ហើយ ចុច Right Click លើឈ្មោះកម្មវិធីនេះ រើសយក Run as administrator។


 
8. ភ្ជាប់ iPhone របស់អ្នក នឹងកុំព្យូទ័រ ហើយចុចប៊ូតុង Jailbreak រួចរង់ចាំមួយសន្ទុះ រហូត iPhone boot ចេញអាយខន Cydia និងនៅលើកុំព្យូទ័រ ចេញថា Done, enjoy!៕

មើលរបៀបដំឡើង យូនីកូដ ភាសាខ្មែរ និងឃីប៊តខ្មែរ 5 ជួរ ពីទីនេះ: http://wp.me/p1DX6F-1D6

• Tweet
• Pin It