[អត្ថបទណែនាំ] មើលហ៊ុងស៊ុយលេខទូរស័ព្ទជាមួយកម្មវិធី SimFengShui

កម្មវិធី SimFengShui នេះ អាចអោយលោកអ្នក ឆែកមើលថា តើលេខទូរស័ព្ទមួយណា នឹងនាំសំណាងដល់លោកអ្នក។ វាជាជំនឿមួយ ដែលនិយមជឿ ដោយអ្នកលេងលេខទូរស័ព្ទ នៅស្រុកខ្មែរយើង។ លោកអ្នក មិនចាំបាច់ គិតម៉ាស៊ីនគិតលេខទៀតទេ ព្រោះឥឡូវ មាន App ហើយសំរាប់មុខងារនេះ ហើយវា អាចដោនឡូដ ដោយឥតគិតថ្លៃទៀតផងពី Apple App Store។

តំរូវការជាមូលដ្ឋានៈ
1. ទូរស័ព្ទ iPhone (3GS/4/4S), iPod Touch ឫ iPad 1/2 ប្រព័ន្ធ iOS 5.0 ឬខ្ពស់ជាងនេះ
2. គណនី Apple ID (មើលវិធីបង្កើត Apple ID ដោយមិនចាំបាច់មាន វីសា ឫក្រេឌីតកាត)
3. កម្មវិធី SimFengShui ដោនឡូដដោយស៊េរីពី App Store ឬតាមរយៈ iTunes
ចំណាំ: កម្មវិធី SimFengShui មានហើយសំរាប់ប្រព័ន្ធ Android (2.2 up) ហើយអាចដោនឡូដបានពី⁣ Play Store

វិធីអនុវត្តន៍

1.ជាដំបូង សូមចូលទៅដោនឡូដកម្មវិធីនេះ ពី App Store ដោយបើក App Store ហើយក្នុងប្រអប់រាវរក សូមវាយពាក្យ SimFengShui។ ចុចប៊ូតុង FREE-> INSTALL រួចវាយគណនី Apple ID របស់លោកអ្នក ចូល។

2.ត្រឡប់មក ផ្ទាំង Home Screen ហើយរង់ចាំកម្មវិធីនេះ ដោនឡូដរហូតដល់ចប់ រួចចុចបើកប្រើវា។ ចុចលើប្រអប់វាយលេខទូរស័ព្ទ ហើយវាយលេខទូរស័ព្ទពេញរបស់លោកអ្នកចូល (ទាំងក្បាល ទាំងលេខ ដូចជា 010202888) ដោយមិនចាំបាច់ដកឃ្លា ឬវាយទ្រេ។ បន្ទាប់ មកចុចប៊ូតុង ‘ទស្សទាយ’ ហើយមើលចំលើយ ក្នុងប្រអប់ខាងក្រោម៕


 
3. បើសិនលោកអ្នក​ គិតចង់ Donate អោយវ៉ិបសាយ​ និងក្រុមការងារ អភិវឌ្ឍកម្មវិធីនេះ នោះលោកអ្នក គ្រាន់តែ ចុចលើ ផ្ទាំងផ្សាយ ពាណីជ្ជកម្ម ដែលនៅ ផ្នែកខាងក្រោម នៃកម្មវិធី ជាការស្រេច។ ចុចមួយដង ស្មើនឹងបរិច្ចាក $0.1៕

• Tweet
• Pin It