[ព័ត៌មាន] Apple ប្រើឥទ្ធិពលរបស់ខ្លួន បង្ខំមិនអោយ អ្នកផ្គត់ផ្គង់ ផលិត ផលិតផលដូចខ្លួន ទៅអោយ គូរប្រកួតប្រជែង

ទំនាក់ទំនងពាណិជ្ជកម្មរវាង Apple និងក្រុមហ៊ុនផ្គត់ផ្គង់បច្ចេកវិទ្យា Pegatron Technology កំពុង ត្រូវបានគេ ចោទសួរ នេះបើតាមរបាយការណ៍មួយ ដែលបានរាយការណ៍ថា Apple បានប្រើ ឥទ្ធិពលរបស់ខ្លួន បញ្ជារអោយ Pegatron បញ្ឈប់ ការផលិត កុំព្យូទ័រយួរដៃ ទំងន់ស្រាល (Ultrabook) របស់ Asustek បើមិនដូច្នោះទេ Apple នឹងបញ្ឈប់ ការកម្ម៉ង់ ផលិតឧបករណ៍ iOS ដែលរួមមាន iPhone និង iPad… នេះបើតាម អត្ថបទមួយពី វ៉ិបសាយ China Times របស់ចិន។

វ៉ិបសាយនេះ បានអោយដឹងថា ដោយឃើញ ភាពដូចគ្នា របស់ Apple MacBook Air និង កុំព្យូទ័រយួរដៃ Zenbook របស់ Asustek ដែលបាន ចេញលក់ កាលពីឆ្នាំទៅ បានបង្ខំ អោយក្រុមហ៊ុន Apple តំរូវអោយ Pegatron ជ្រើសរើស ខាង រវាង Apple និង Asustek។ គួរកត់សំគាល់ថា Pegatron កំពុង ផលិតកុំព្យូទ័រ Zenbook អោយ Asustek ហើយ កុងត្រា នឹងដាច់ ក្នុងខែ មីនា ខាងមុខនេះ។ ការមិនបន្តកុងត្រា របស់ Pegatron បានតំរូវអោយ Asustek ត្រូវរក អ្នកផលិតថ្មី ដែលអាចជា Compal Eletronics ឬក៏ Wistron។ ចំណែក Pegatron និង Foxconn វិញ កំពុងចាប់ផ្តើម ផលិត iPad 3 អោយ Apple… នេះបើតាម វ៉ិបសាយ Macotakara របស់ជប៉ុន។
បើទោះ ជាជំនាន់ដំបូងនៃ កុំព្យូទ័រយួរដៃទំងន់ស្រាល (Ultrabook) មិនសូវ បានទទួលជោគជ័យ ក៏ដោយ តែជំនាន់ក្រោយរបស់វា ត្រូវបានរំពឹងថា នឹងទទួលបានការ គាំទ្រច្រើន ជាមួយនឹងតំលៃថោក ព្រមទាំង ការរចនាម៉ូដ ែបប Unibody ដូចត្រកូល Macbook និង Macbook Air របស់ Apple៕

រូបភាពប្រៀបធៀប Apple Macbook Air និង Asus Zenbook:

ប្រភព: ChinaTimes | Macotakara