Zephyr កម្មវិធីបន្ថែមមុខងារបញ្ជារប្រើដោយកាយវិការ

Zephyr គឺជាកម្មវិធី មួយដែល បន្ថែមនូវមុខងារបញ្ជារប្រើដោយកាយវិការ យ៉ាងអស្ចារ្យ សំរាប់ប្រព័ន្ធ iOS 5។ ជាមួយនឹងកម្មវិធីនេះ លោកអ្នក អាចបើកមើលកម្មវិធីដែលបានបើកចោល ដោយគ្រាន់តែ អូសម្រាមដៃ ពីក្រោមឡើងលើ នៅផ្ទាំង Home Screen ជំនួសអោយការចុចពីរដង លើប៊ូតុង Home និងអាចផ្លាស់ប្តូរពីផ្ទាំង កម្មវិធីមួយ ទៅកម្មវិធីមួយទៀត ដោយអូសម្រាមដៃ ពីស្តាំ មកឆ្វេងជាដើម (ដូចការបញ្ជារប្រើលើ Nokia N9)។
 

តំរូវការជាមូលដ្ឋានៈ
1.ទូរស័ព្ទ iPhone iOS 5.0 ឫខ្ពស់ជាងនេះ និង Jailbreak រូចហើយ
2.ភ្ជាប់អ៊ីនធើណែត តាមរយៈប្រព័ន្ធទូរស័ព្ទ ឫបណ្តាញ WiFi
3.កម្មវិធីនេះ ដោនឡូដបានពី Cydia តាមរយៈប្រភព Insanelyi

វិធីអនុវត្ត:

1.ជាដំបូង សូមដោនឡូដកម្មវិធី Zephyr នេះ ពីCydia តាមរយៈប្រភព Insanelyi ។ បន្ថែមប្រភពនេះ បើមិនទាន់មាន ដោយចូលទៅ Cydia រួចចូលទៅ Manage-> Sources បន្ទាប់មក ចុច Edit-> Add រួចវាយពាក្យ http://repo.insanelyi.com រួចចុច Add Source ហើយចុច Add Anyway ដើម្បីបន្ថែមប្រភពនេះ។
បន្ទាប់មក ចូលទៅ Settings-> Zephyr រួចចុចបើក ON នៅពីក្រោយពាក្យ Enabled និង រើសយក Switcher (only) នៅពីក្រោយពាក្យ Action។

2. ដើម្បីតេស្តវា សូមត្រឡប់មក ផ្ទាំង Home Screen រួចអូសម្រាមដៃ ពីផ្នែកក្រោមគេ នៃអេក្រង់ ឡើងទៅលើ នោះលោកអ្នក នឹងបានឃើញផ្ទាំង Switcher ឬផ្ទាំងបង្ហាញបណ្តាកម្មវិធី ដែលបានបើកចោលមិនខាន។

3. ចុចបើកកម្មវិធី 2-3 ចោល។ រួចចូលទៅកម្មវិធីណាមួយ ហើយយកម្រាមដៃ អូសពីស្តាំ មកឆ្វេង នោះលោកអ្នក នឹងបានឃើញ ផ្ទាំងកម្មវិធីបន្ទាប់មិនខាន៕